السلام عليكم ورحمة الله وبركاته
دي خطة لتعلم وإتقان ثم احتراف تطوير مواقع الويب - الجزء الأول..
أولا حابب أحييك، وأقولك أنت كويس، بتحاول تتعلم وتحسن من نفسك وتعلي مستواك وتكون إنسان أحسن وأقدر وأكثر كفاءة، ربنا يكرمك ويوفقك، وطالما قررت تتبنى الخطة دي أو أي خطة تانية ليا؛ ممكن تعتبرني صدقيك لو تحب، و تقدر تتواصل معايا في أي وقت لو محتاج مني أي حاجة في استطاعتي، بالتوفيق..
في الجزء دا هنتعرض لأساسيات الويب، نتعلم ازاي الويب بتشتغل وصفحات الويب بتتكون من إيه وازاي ننفذ صفحات ومواقع الويب ونبرمج الوظائف والخصائص اللي بيحتاجها سوق الويب حاليا، بالتالي هنقتصر على تنفيذ الواجهة الأمامية للويب front-end، ودا مجال واسع جدا ومطلوب جدا، بإتقانه والإجادة فيه تقدر تلاقي مكان محترم في سوق العمل إن شاء الله، بالنسبة للشق التاني وهو ال backend أو الجهة الخلفية للويب فدا مجال مختلف هنخصصله خطة منفصلة إن شاء الله ..
نصائح علشان تنجح في الاستفادة من الخطة وتوصل للمستوى اللي اللي بتحلم بيه:
-
-
الالتزام أهم شيء على الإطلاق، لازم لازم لازم تحدد وقت للمذاكرة وتلتزم بيه، لازم تتعود انك تقعد مركز في المذاكرة ساعتين وتلاتة واربعة وأكتر، دي أهم صفة في المبرمج الناجح والمتميز، انه بيقدر يقعد فترارت طويلة بيذاكر، لو الصفة دي مش عندك ما تقلقش، تقدر تكتسبها بالتدريب ومع الوقت من غير ما تحس..، اكتب دلوقتي هتخصص أد إيه لمذاكرة الويب..
-
اتعود تبحث في جوجل ويوتيوب عن كل حاجة وأي حاجة، المبرمجين من أكبر مبرمج لأصغر مبرمج محترف بيستخدموا جوجل أكتر مما تتصور..
-
الحاجة اللي تستصعبها أو تحس انك مش قادر تفهمها حاول معاها من أكتر من مصدر، واسأل غيرك وحاول لحد ما تفهم، ما تجيش مع أول صدمة أو حاجة تستصعبها تقول دا مش مجالي وانا ما انفعش، هتنفع، حتى لو ما كملتش تعليمك، حتى لو مش شاطر في الانجليزي، ولا جامد في الرياضيات، ولو مش كلية علمية، ومش خريج حاسبات، ومش خريج هندسة، بلاش توهم نفسك بقناعات مش حقيقية..
-
بلاش تتنطط كتير بين الخطط والبرامج والمصادر، امسك خطة والتزم بيها، أي خطة مهما كانت هتصولك، سواء دي أو غيرها..
-
ما تبدأش حاجة تسيبها من غير ما تخلصها، ولا تروح لغيرها قبل ما تخلصها للآخر..
-
حاول تلتزم بالترتيب، وبالنصائح اللي هتيجي في وسط الكلام، أنا بحبك وعاوزك تبقى مطور برنس، ومهراتك تكون bulletproof..
-
اعمل شير للبوست..
-
يلا نبدأ..
هنبدأ الأول مقالة مختصرة من موزيلا عن كيفية عمل الانترنت:
ماهو الإنترنت وكيف يعمل - آراجيك
الجزء الأول:
الجزء الثاني:
هنتعمق شوية ونعرف أكتر عن كيفية عمل الشبكة،
مدخل عام للإنترنت - خان أكاديمي،
شوف أول 3 وحدات وحل الكويز:
-
-
Introducing the Internet
-
Connecting networks
-
Addressing the Internet
-
كيف يعمل موقع الويب - موزيلا:
بعد كدا تقدر تشترك في مبادرة مليون مبرمج عربي في مسار ال front-end، المسارد برنامج دراسي رائع من موقع يوديستي هيعلمك أساسيات الويب بشكل جميل، هتتعلم:
-
-
Html
-
CSS
-
Javascript
-
مدخل ممتاز، وبصفة عامة موقع يوديستي جميل وبيقدم تجربة تعلم عالية الجودة والكفاءة، وأنا شخصيا استفدت منه جدا جدا..
سجل في موقع المبادرة من هنا :
دا لنك الاشتراك في المسار:
بالانتهاء من المسار تكون عرفت الأساسيات وطبقت عليها وتقدر تعمل موقع خفيف بإمكانيات كويسة، لكن لسه محتاج تأكد على المهارات اللي معاك وتتوسع واحدة واحدة
-
-
دي قائمة ممتازة في الCSS Grid، مهارة مهمة وحتاج تتقنها..
-
-
-
Flexbox زيها..
-
-
-
Bootstrap بقى علشان دخل على شغل المحترفين
-
Netninja ، ودا مهم
-
-
-
دا كورس الزيرو، عربي، ومهم جدا بردو
-
هنا لازم نقف شوية لأنك محتاج تطبق كتير علشان تأكد على مهاراتك وتثقلها وتقدر تعمل شغل زي اللي بيتطلب في السوق، دول شوية مشاريع حلوة تتمرن بيها، هتشوف الفيديو وتطبق معاه، وبعدين تطبق تاني لواحدك من غير الفيديو، وبعدين تطبق مرة تالتة مع إدخال تعديلات من عندك على المشروع، يعني لو المشروع عن موقع أخبار تخليه موقع طبخ مثلا، لو اشتغل بFLEXBOX اشتغل انت بCSS GRID، دا في المرة التالتة، اشتغل عليهم بالترتيب:
كدا تمام، بقى طبقت وشغلت إيدك شوية حلوين، وبقى معاك أمثلة كويسة على مهاراتك خاصة بيك، لازم تبدأ ترفعها على النت وتكون المعرض بتاعك، البورتفوليو، في حالة شغلنا كمطورين ويب، بيكون معرض أعمالنا هو github، وبالتالي دا وقت جيت هاب:
قائمة من الزيرو بالعربي أهي:
كدا وصلنا لمرحلة كويسة جدا، أتقنا ال markup، جربنا ال JS، رفعت شغلك على github، تقدر تبدأ كلم الشركات وتدور على فرص التدريب، وكمان تقدر تاخد شغل فريلانس أو تشتغل ريمتولي.
دا طبعا مش معناه اننا خلصنا، لسة شوية، أو شويتين 
يلا بقى نركز شوية في البرمجة اللي بجد، Javascript:
-
-
كورس جافاسكريبت جميل من يوديستي
-
دول شوية تمارين حلوين ، انت عارف هتعمل إيه بقى:
بعده هروح على FREE CODE CAMP
تذاكر المواضيع دي بس منه المنهج بتاعه:
-
-
es6
-
regex
-
debugging
-
دي موضوعات متقدمة نوعا ما وطبيعي ما تكونش سهلة، هحتاج شوية صبر زيادة ومجهود ذهني أكتر شوية من اللي اتعودت عليه، بس في الآخر هتتعلمها وتفهمها إن شاء الله..
-دا فيديو مفيد، شوف مرتين تلالتة كدا
تطبيقات:
ليفيل الوحش..
علشان يبقى اسمك front end developer دلوقتي، لازم يكون معاك إطار عمل واحد على الأقل من أطر العمل المشهورة حاليا:
-
-
React، ودا من تطوير فيسبوك
-
Angular، و دا من تطوير جوجل
-
vueJs، ودا من تطوير مهندس من جوجل..
-
انا هنا هاختارلك vueJS لأنه سهل و خفيف وقوي، ومطلوب كتير في السوق العربي، والغربي بطبيعة الحال، ولاعتبارات تانية هتعرفها مع نفسك:
-
-
الزيرو:
-
-netninja
-
-
دا laracasts ، شخص برنس للغاية، اختياري للي حابب يستفيد زيادة..
-
طبعا دلوقتي وقت التطبيق، ووقت عمو براد:
هسيبك هنا بقى تختار اللي يعجبك، انت خلاص عرفت طريقك:
بعد ما تطبق على كام مشروع هنا، وتعمل زي ما عملنا قبل كدا في التطبيقات اللي فاتت، جه وقت مشروع التخرج، ودا عبارة عن مشروع هتستخدم فيه مهاراتك اللي كونتها خلال الرحلة الطويلة دي، تعتمد على نفسك وتوسع حدودك، هختار تطبيق معين من التطبيقات المشهورة في السوق، موقع تجارة إليكترونية مثلا، موقع تعليمي، أخبار، أي حاجة من الشغل المشهور دا علشان يساعدك في فرص الشغل، وكمان يكون في نماذج كتير تقدر ترجعلها وتستفيد منها، هتشتغل عليها في فترة ما تقلش عن 3 شهور وما تزيدش عن 6، خلال الفترة دي هترجع تراجع حاجات وقفت معاك، وتدعبس وتتسأل كتير، المهم تلتزم بجدولك وما تقولش انا نسيت ولازم أرجع تاني، لا، انت تمام، الهم تخطط كويس للمشروع، تقسمه أجزاء صغيرة، والاجزاء الصغيرة لأجزاء أصغر وتشتغل عليه واحدة واحدة لحد ما تخلصه..
لو وصلت لحد هنا فأنا بحييك، تقدر دلوقتي تقدم على frontend developer - entry level وانت واثق من نفسك وإمكاناتك إن شاء الله..
كدا خلصت؟ لأ، لكن هتكون عرفت لواحد خطواتك اللي جاية، إيه ناقصك وإيه محتاج تأكد عليه، مشوار طويل ومش سهل، لكن يستحق بكل تأكيد، لا أدعي أن دي خطة perfect، لكن على الأقل هتوفر عليك كتير إن شاء الله، هتساعدك تتعلم وتبقى أحسن مني إن شاء الله، حاولت أقول فيها الي عندي في نطاق معرفتي المحدودة، لعل الله ينفع بها، لو انت متخصص وقضيت من وقتك في قرأئتها فأنا أشكرك، ولو ليك عليها أي تعليق يا ريت تتواصل معايا فورا، هكون سعيد جدا والله..
-الخطة قابلة للتعديل والتحديث، لو مهتم حاول تراجعها بين وقت والتاني..
ما تنساش تعمل شير..
سبحانك الله وبحمدك أشهد أن لا إله إلا أنت أستغفرك وأتوب إليك
