تغريغ لفيديو لنديم بالوش :
هل كان سبب الفشل هو الغارات الروسية؟!!
السلام عليكم ..
تكلمنا بفيديو سابق عن موضوع جلد الذات و حكينا ( تكلمنا ) إنو الفصائل هلأ كلها عندما تسقط المناطق منها ترى ٩٥ بالمية منها ، من إعلاميها و قادة فصائلها و و و ، يرجعون الأسباب إلى الغير - يعني الحق على الغير -(خذلونا العرب و هاشتاقات و ما بعرف إيش) و أهم شغلة بيستخدموها أو بيعتمدوا عليها للتبرير أو يختبئون ورائها ليضعوا الحق عليها و هي شمّاعة فعلاً حلوة و ممكن تستعطف كثير ناس لهم و خصوصاً البعيدين عن الجو و الذين لا يعلمون الموضوع عن كثب و الذين لا يفهمون إستراتيجيا و الذين لا يفهمون بتاريخ الحروب ، و فعلاً بيصدقوهم.. و الشماعة هي الغارات الروسية !
يعني شو ما سألتو بيقلك :
الغارات الروسية حرقت الأخضر و اليابس و اتبعت سياسة الأرض المحروقة كما فعلت بالشيشان - ركزلي على كلمة الشيشان لأننا سوف نأتي إليها لاحقاً - و روسيا دولة عظمة دخلت بالسوخوي و نحن شو بيطلع بإيدنا نعمل بوجههم؟ وفعلاً المتابع بيقول شو بدهم يقدرو كم فصيل يعملوا بوجه دولة عظمى عندها السوخوي و عندها و عندها و عندها ؟!
طبعاً بالبداية بدي أرجع للفيديو و ذكر فيه للي ما شافو و - بنصحك ترجع تحضره اسمه جلد الذات -
بالبداية تنويه صغير ، أنا ضربت مثل : مثل الأب الي قاعد عم يلعب بالشدّة (كروت اللعب أو الكوتشينه ) قاعد عالشاطئ وبيته بعيد عن الشاطئ عشر دقايق مشي وعنده ولد صغير و ما منتبه لابنه إنه قاعد عم يمشي و يمشي قليلاً قليلاً بمشية الولد الصغير و لمدة ساعة ، ساعتين ، ثلث ساعات، أربع ساعات ، خمس ساعات ، بالنهاية وصل ابنه عالبحر فسمع أصوات اتطلع ( نظر ) لابنه وجده لقاه عم يغرق ، ركض لعنده هو و رفقاته و الموج عالي و مات بعض من رفاقه و بالأخير ما أنقذ ابنه
* بالأخير شو إجى قال ، قال : شوفوا اديش أنا بحب ابني ، شوفوا رفقاتي ضحوا بحالهم - بيستثمر على رفقاته الي ماتو - نحن عملنا الي علينا و ما طلع بإيدنا شي .
اختصر المشهد كله إنه راح و تجاسر و دخل على البحر المموج هو و رفاقه و صبروا و مات منهم عالم ، و نسي كل الثلاث أربع ساعات الليركان قاعد عم يلعب فيها شدّة و ما انتبه لابنه ولو أنه انتبه بنظرة كان ممكن يمنع ابنه إنه أصلاً يصل للبحر! - ركز عالموضوع -
....
فحنحكي عن موضوع الغارات الروسية ، هل يا ترى فعلاً الغارات الروسية - و أنتم بتعرفوني بحكي بإنصاف و تجرد و أنا بحاول كون منصف مع ألد أعدائي ، فكيف مع الناس المحسوبين أنهم هم قومي و أهلي و ناسي ؟! -
رح نحكي هل يا ترى الغارات الروسية ياشباب هي سبب سقوط المناطق ؟!
بالبداية ، الغارات الروسية هل لها تأثير ؟
طبعاً لها تأثير ، يعني فرق بين الطيران السوري القديم -وأصلاً الطيران و وجود سلاح الطيران هو نقطة لصالح النظام - فكيف إذا دخل الطيران الروسي الحديث و هو من الطيران الأقوى في العالم ؟ أكيد هو أثَّر ، لكن هل يا ترى هو السبب بتراجعنا نحن ؟ خلينا نبحث شوي و بهدوء
- لكن المشكلة بالفيديو هي الاختصار فسأحاول الاختصار قدر الامكان -
بسم الله ..
السؤال الأول : روسيا كيف عم تضرب ؟ جواب سريع : عم تطلع طيارات من مطار " حميميم " و يقصفوا ، و هون بنجي للنقطة يلي حكيت ( تكلمت ) فيها بفيديو سابق ، يلي حكيت فيه عن ضرب صواريخ على مدينة قرداحة ( معقل آل الأسد ) و الذي لمحت فيه قليلاً عن العمليات الأمنية داخل العمق.
سؤال : لو أن العمليات الأمنية داخل العمق - بشروطها التي ذكرتها : الاستمرارية وأنو مايقدروا يمسكوك ، إفقادهم الثقة بدولتهم، لا تحصرهم في زاوية فيستأسدون -
لو أن هذه العمليات الأمنية و طبعاً بهدف فتعلم لوين بدك توصل ، مو عمليات من دون هدف ! نحن ما رح نبيد العلوية ولا رح نفني العلوية - و ما حنقدر ! - لك العلوية خمسة مليون إذا كل يوم بتقتل منهم ألفين بدك سنتين لتخلصهن ، يعني حكي بالعقل و المنطق تبعك يعني حاج ( كفى ) يتضحكوا عليك بعقلك !
إذاً لو في عمليات أمنية مدروسة و مستمرة و محددة الأهداف و عم تشتغل بإتقان و صار هالموج و الهوج و النزوح من اللاذقية لطرطوس و الخوف و الاضطرابات و الرعب و و و ... و خاصة في أول الأيام كان الرعب أكثر ، كانت روسيا قادرة تعمل قاعدة في عمق الساحل ؟! الجواب لأ ! أكيد لأ !
يعني لو كان فيه ناس تعرف تشتغل مثلاً ، كانت إذا سمعت أو توقعت بوجود تدخل روسي - و الاستراتيجية توقع ، شوف العبد الفقير ٩٠ بالمئة من الذي توقعه من ثلاث سنين لهلأ بفضل الله يحدث ، ليش ؟ لأن واحد زائد واحد يساوي اثنين ، مو لأني ساحر و لا لأني أضرب بالمندل - طيب إذا كان في ناس بتعرف تشتغل أصلاً أنت بتتوقع و إنت بالداخل و عندك عمليات أمنية داخل العمق فأنت بتتوقع أصلاً أنو روسيا تعمل هيك؟ هو مستحيل روسيا بهالوضع الهائج تدخل.. طيب خيو لو فرضنا روسيا حبت تعمل هيك ، فيعني حأعطيك شغلة صغيرة قادر أحكيلك اياها هلأ لأنه في شغلات كثير مو قادر أحكيلك اياها عالعام لعلّ الله سبحانه و تعالى نقدر ننفذها ، يجي حدا يدعم عمل نقدر ننفذه . طيب لو إنت آخذ مزارع مقابل المطار ، تمام ؟ و إنت سمعت أو توقعت و بدأت تحفر بأرض زراعية ، تشتغل بأرضك الزراعية - لأن هناك كل يلي بيعرف ، هي مناطق زراعية - تمام ؟
عم تشتغل و تحفر تمام ؟ كمّل الباقي ولا ما في داعي ؟ و تحت المطار بصير شي و بلحظة معينة . . المهم !
* إذاً رقم واحد لو كان فيه منهج عم يشتغل عمليات أمنية داخل العمق بشروطها - برجع بقلك بشروطها ، مو يقلك فجرتلك تفجير و يقلك هي عمليات أمنية ! لا لا - مدروسة و محددة الأهداف و متقنة و بتعرف وين بدها تشتغل و لا تحصرهم بزاوية ، ما كان في شي أصلاً اسمه طيران روسي ، أصلاً ما كان في شي اسمه نظام من زمان !! .
هذه نقطة..
النقطة الثانية :
رح أمشي بمنطقكم إنتو مو منطقي أنا ، إنتو فتحتو جبهات تمام ! إنتو سيطرتو على حواجز - صح انتو سيطرتو لكن ثق تماماً أن النظام انسحبلكم من كثيير مناطق - ليش ؟ لأنه بيعرف أنه إذا كان جيش نظامي انتشر على مساحات واسعة ، فهذه نقطة ضعف له ، فالجيش النظامي بس واجه ثورات أو أو أو... فوراً بيجمع حاله و بيمركز حاله بمناطق استراتيجية مهمة له و مهما كان ما بيسلمك اياها ، شو ما صار ! تمام ؟ و بيتركلك مناطق .
و عسكرياً الشغلة الأهم يلي عملها حافظ الأسد من ثلاثين سنة و التي ذكرها يوسف العييري بكتابه من عشر سنين ، هي أنه انسحب لهم ، هم بدأوا حرب عصابات حلوة ، اغتيالات وعمليات داخل العمق - الطليعة - فانسحب لهم من حماه ، فانفتحت شهيتهم ، خاصة أنهم متعطشين لحكم إسلامي على أساس ، فدخلوا إلى حماه و حاصرهم و بدأ فيهم ( أي القصف )، نفس الشيء عم يصير ، نفس الأمة ، خاصة من خمسين سنة لهلأ نفس الخطأ ،
طيب بمنطقكم أنتم فتحتوا جبهات و سيطرتوا ، طيب ركز عالخريطة و حطها بعقلك ، هون عندك الساحل و الساحل شو فيه ؟ فيه جباال - ركزلي عليها - و هون بالأخير عندنا دير الزور ، تمام ؟ من الساحل إلى دير الزور ، هي المناطق بالشمال تقريباً صارت معكم ، إذا بتطلع عالجغرافيا تبع الخريطة بتعرف أنه هاد الساحل فيه جبال ، بعدها بتمر بسهول سهول بعدها بيطلعلك جبل اسمه جبل الزاوية - أجرد - و الباقي تقريباً فوق الـ ٩٥ بالمية كله سهول وصولاً للحدود العراقية ، تمام ؟ يعني عندك عمق النظام و مركزه و أصله و خزانه البشري و خاصة للضباط الكبار- و هو عمق الساحل - و فيه جبال فاصلة عن كل اللي أنت أخذته وصولاً إلى دير الزور ، للحدود العراقية لأنها كلها سهول و تلك المناطق هي الوحيدة مناطق الجبال .
و شو ميزتها لهالجبال ؟ الجبال فيها مي ( ماء ) - و هلأ بتقلي شو يعني فيها مي ؟ هلأ بتعرف شو يعني فيها مي - فيها غطاء شجري كثيف ، مانها كثير عالية ولا كثير وعرة - هي وعرة بس مانها كثير كثير وعرة -
شو يعني مانها كثير عالية ولا كثير وعرة ؟ يعني ببساطة الطرق الاستراتيجية مو كثير بعيدة بهاد ما بتحتاج سلاح متطور كثير ، ممكن بي كي سي تقطعلك طريق كامل ، و الغطاء الشجري الكثيف لوحده ممكن يعملك غطاء بشري كثيف حتى لو ما كان فيه جبال ، يعني أدغال مثل أدغال الڤيتنام بتسويلك حرب عصابات و لو ما فيها جبال لأن فيه غطاء بشري كثيف أنت عميت الطيران عمي ، تمام ؟ فكيف إذا جبال و فيها غطاء شجري كثيف ؟ لأنه في كثير جبال بسوريا ، أصلاً كل جبال سوريا ما فيها غطاء شجري إلا جبال الساحل . جبل الزاوية ، جبل قاسيون ، جبل الأربعين ، جبال الشام و القلمون كلها جبال جرداء ، فكيف إذا اجتمع جبل و غطاء شجري كثيف و مي ؟! لأن الغذاء ممكن تجيبه - و ممكن تزرع ! - أما المي من وين بدك تجيبها ؟! يعني الغذاء إذا في حدا بيمدك بتمشي حالك ما بتموت من الجوع ، أما المي ، إذا ما في مي ما في قوة بالأرض بتقدر تستقر - أصلاً أصل الاستقرار البشري من مليون سنة هو المي ، وين في مي بيروحوا بيستقروا البشر - .
إذاً جبال و غطاء شجري و مي و مانها وعرة كثير و مانها عالية كثير و ميزتين كثير مهمات لسا : أولاً هي لك بوابة على أخطر منطقة للنظام عدوك ، و بوابة لعدوك عليك ، يعني فاصل ، إذا عدوك بده يهجم عليك بتصده ، و إنت منها بتطل على عمق وأخطر مناطق لعدوك يلي فيها عائلات ضباطهم الكبار ، يلي فيه عائلات أجهزته الأمنية الكبار .
و الشغلة الأهم أنها واصل لحدود دولة عملت كل شيء لك ، كل شيء بتقدر تعمله دول : حدود ، بنوك ، أموال ، إغاثة ، مشافي ، بتدخل بتطلع ما حدا بيكلمك - و كلام ما فيني أحكيه كثير عالعام مشان ما ياخذوه على هذه الدولة - ما ناقص غير ينزلوا العلم و يحطوا علمك ، و آخر شيء هلأ شو بتجي بتقول ؟ وينه وينه ! ، يعني شو بدو يجي هو يرابط معك عالمحور لك يا غبي؟!!
طيب برجع بعدلك اياهم عالسريع :
جبل ، مي ، شجر ، مانها وعرة كثير ، مانها عالية كثير مشان تربط الطرق و الميزتين اللي هنن القيمة المضافة نحن بنسميهن اللي هم صد أمام عدوك إذا فكر يهجم عليك و بنفس الوقت بخلوك تطل على عدوك بسهولة ، و الشغلة الثانية اللي هي قيمة مضافة ثانية هي أنها موصولة بحدود دولة عملتلك كل شيء .
فإنت شو سويت ؟! يا محيسني يا شيخ الاسلام و يا جولاني و يا قادة - هدول قادة لا تطعنوا في المجاهدين ، إنت بدك تفهم أكثر من المجاهدين ؟ ( الأخ نديم يقصد السخرية ممن يقول ذلك )
- يعني سبحان الله نفس التصوف ، بيقولوا : إنت بتحكي عالشيخ ؟! لك هاد شيخك إذا قلك ارمي حالك من على الجبل ما بتقله ليش ، هاد شيخك إنت شو بفهمك أمام الشيخ ؟! ، هدول الصوفية يلي بيلوموهم ، لا والله الصوفية أحسن منهن ، الصوفي بقلك خيو أنا صوفي ، أما هداك بقلك : لااا نحن ما عن تقديس ما عنا كذا ...
- قال يا رسول الله : أهو منزلٌ أنزلك الله إياه أم هي المشورة و الحرب ؟ قال بل هي المشورة و الحرب ( يقصد الأخ الحديث الذي دار بين رسول الله صلى الله عليه و سلم و الحباب بن المنذر قبل غزوة بدر ) بقلك لا أصلاً ضعيف و ضعفوه ، لك كل سيرة الرسول صلى الله عليه و سلم فيها مشورة !
وهو بأبي و أمي أذكى الناس ، إي والله أذكى الناس ، والله إذا كان في شوي من تفكيري سليم فأنا عيال ( أطفال ) أمام محمد صلى الله عليه و سلم ، بتفكيره و ذكائه و استراتيجيته و والله العظيم لو مو شايفه هيك بقلك بكل بساطة هو هيك .
بنرجع لموضوعنا ، إنت شو سويت يا شيخ الإسلام و يا محيسني و يا جولاني و يا ما بعرف شو و يا ما بعرف شو ؟! شو سويتو ! ضعفتوا هالمنطقة ، أول شي ما فكرتوا تستوطنوا هالجبال ، تخزنوا فيها أكل ، سلاح ، تعودوا الناس الي معكم تعيش عيشة الجبال ، أقل شي يعني مو كلهم ، أقل شي القوات الـ special القوات الخاصة..
هدول الناس يلي لازم يكونوا ورقتكم الرابحة ، تمام ؟ شو عملتوا إنتوا ؟ دخلتوا على سلمى و على ربيعة و شفتوا فيلات و ما شاء الله و قلتوا شو جبال ( يقولها الأخ بسخرية ) و إجا مجنون - إجا العبد الفقير - قلكم : لك شلون انتوا بتقعدوا بمقرات ؟! لك كيف هي جبال و انتوا بتقعدوا بالمقرات ؟! . و بلشت نزلت الشيخ عصام رحمه الله عالمنطقة - و لسا منهم موجودين لسى لهلأ سألوهم - نزلنا و بلشنا ندور جبل جبل مغارة مغارة وين في مي والله مشي على الأقدام أحياناً نمشي تلات أربع ساعات أحياناً ( الأخ يسحب شهيق قوي ) والله حيموتوا أقسم بالله الي معي كانوا حيموتوا ، نطلع جبال والله نوصل أحياناً إذا وقعنا بنموت ، تمام ؟ بس لنحط وين بدنا نركز و وين بدنا نخزن و وين بدنا نقعد و هاد الحكي كان لسا 2012 آخر الـ 2012 أول الـ 2013 ، ركّز ها كان النظام فارط و منتهي و ما بعرف ايش و خلص ، شوف تفكيري أنا وين - ما عم قلك شوف تفكيري لتشوفني أنا ( يقصد الأخ لا أقصد الفخر و أن تراني بعين الإعجاب ) - قصدي لتشوف قوم خوّنوا الأمين و أمّنوا الخائن فليحصدوا و أُنطقوا الرويبضة ، فليحصدوا - و أنا ما عم قلك فليحصدوا لأشمت فيهن ، لو ما قلبي محروق عليهن بتشوفني بأوروبا حاطط رجل على رجل و بكون عملت شي تجارة -
برجع أخي ، فهم شو عملوا ؟ قعدوا بهالمقرات ، أقسم بالله كنا أحياناً ننزل عطريق المريج ، هي المريج بتطل على جبال الأكراد و خاصة سلمى ، بالليل كل المنطقة عتم لأنو ما مقطوعة الكهربا ، فيبينوا مقر مقر لأن عندهم مولدات و يقولوا هي مقر فلان و مقر علتان ( الأخ يقولها بضحك ) ، يعني الدولة كانت شايفتهن مقر مقر ( يقصد النظام السوري وليس الدولة الإسلامية ) ، فهم شو عملوا ؟ تركوا كل هالجبال - الفصائل الكبيرة خاصة - لا حطوا مين يتدرب فيها حرب عصابات بشكل قوي و يستوطن الجبال،
و عفكرة يلي بيستوطن الجبال و بيتعود على قعدة الجبال ما بقى فيه يقعد إلا فيها ، بحبها للقعدة هيك بصير عندو طبع سبحان الله إنو يروح و يجي على الجبال هذه ، يعني مو إنت بتقلوا كرمال الله اطلع ، لا هو ما بقى فيه يعيش إلا بهالجبال ولو كان برد ولا شو ما كان ، خاصة طبعاً مانها عالية كثير يعني البرد فيها مو كثير عفكرة ، مثل البرد بالشيشان - يلي بتتحججوا فيه هلأ بالغارات الروسية - ، لا لا برد عادي جداً ، يعني إذا نزلت الحرارة بتصير - 2 يعني ولا شي ، إذا بدك تعرف كيف كانت تنزل الحرارة - 20 و -25 بجبال الشيشان و أفغانستان
أنا برأيي عفكرة جبال الساحل ، المنطقة التي تسمى البحر الدافئ ، والله العظيم أحسن منطقة بالعالم بالكرة الأرضية لحرب العصابات !! فهم شو عملوا ؟! تركوا هالمنطقة وركزوا بإدلب..
( يقطع التسجيل ثم يكمل الأخ من جديد )
فهم راحوا عقرى لك نحن السورييين والله أول مرة بنسمع فيها ، يتقاتلوا و بتسمع اشتباكات للسيطرة على " حزانو " و ما بعرف إيش ، أول مرة بنسمع بهالقرى ! - مو استحقار للقرى طبعاً - لكن يعني تركوا كل هالصادد الطبيعي على المنطقة الحساسة جداً للنظام و اللي ثبتت فيها القاعدة الروسية ، تركوها و راحوا لمناطق السهول ، اللي الجيش الروسي - السوفييتي - هو أبو المعارك فيها من أيام الحرب العالمية الثانية - و لو عندهم شوية استراتيجية بيفكروا !-
أيام الحرب العالمية الثانية الجيش الروسي قضى على جيش هتلر بحرب السهول و حرب الجبال هي التي قصمت ظهر الجيش الروسي و اسألوا الشيشان و اسألوا أفغانستان - و هلأ بنجي بهالحكي -
فهنن تركوا هالمنطقة الخطرة و راحوا عتلك المناطق ( أي السهول ) ، و أكبر دليل على كلامي ، وقت بدأ اللعب الروسي على أي منطقة بدأ ؟ على جبال الساحل لينظفها لأنه ما قادر يستقر و بجبال الساحل في عالم ( أي مقاتلين من الفصائل )
تصور - بتستفيد منها شغلتين - : واحد : بعيد عنه أربعين خمسين كيلو متر و مع ذلك ما بده يكون بهالقرب ، فكيف إذا كنت أنت بعمقه ؟! والله بحياته ما كان بيعمل قاعدة ، هاد إذا ضل نظام أصلاً ، يلي هلأ عم تتحجج بالغارات الروسية ، لأنك يا غبي لو أنك من الأصل اشتغلت بالعمليات الأمنية داخل العمق لا كان لا قاعدة روسيّة ولا قاعدة بطيخية ! ولا قاعدة في الدنيا بقدر تعمل بمنطقة غير مستقرة
و الشغلة الثانية بتستفيد منها : معناها أديش هالجبال خطيرة عليه ؟ معناها هو تعلم من درس الشيشان و أفغانستان ، وهلأ عم تقولوا سوريا ستكون أفغانستان جديدة - لك والله من إجري بدها تكون أفغانستان جديدة للجيش الروسي - و إنو هلأ بس بدكن تجوا تتباكوا على الدول الداعمة و بدنا مضاد طيران و ما عم تعطونا مضاد طيران !
لك لك شوفوا غباؤكن ! ، لك عن طيبها الدول بتحتقركم ؟ لك عن طيبه كل العالم احتقركم و زتكم ( رماكم ) ؟!
لك في مثل روسي بتعرف شو بقول ؟ بقول : الرقاصة - حلو هالمثل لأمثالكم - ، الرقاصة الي ما بتعرف ترقص بتقول الأرض مانها مستوية !
و أقسم بالله العظيم لو أنهم ركزوا بهالمنطقة و هي ثلاث سنين بإيدهم و هم معهم ولاد الجبل نفسهم و بالنهاية سووهم بين ملاحق و بين و بين وبين ... و هم بالأصل ناس طيبين ، و فكرتي أصلاً كانت نحطهم بالواجهة و هم متعشقين للدين و أكبر دليل العرعور ، راحوا دقوا الطناجر يا زلمة ، مو لأنهم غبيين ، لك لأنو هني متعشقين للدين ، وقت شافوا واحد عنده ذقن جمدوا عقولهم ! و راحوا يدقوا على الطناجر بس لحبهم للدين اللي انحرموا منه أربعين سنة من النظام النصيري ، لك فتحولك بيوتهم و مناطقهم و و و و آخر شي شو إنت صرت تقول ؟ يا هاد مرتد و هاد كافر و هاد فاسق و هاد ما بعرف شو و هاد تلاحقوه ! ، لو إنك فهمت لعبة النظام يا غبي وقت طلعك من السجن - و يا غبي طبعاً لتحسين الظن فيك لأنه إنتو كثير منكم عملاء ! - فإنت لو اشتغلت اللعب الصح ( الأخ يستدرك على الجملة السابقة و يقول : عفواً أنا العميل صح ! )
لو اشتغلت اللعب الصح ، كنت إنت من ورا و دائماً حطيته إلك ستار لهاد ابن المنطقة ، أنو نظام كان قدر يقول ارهابيين ؟ لك هدول أصلاً مالهم علاقة بالدين ، كيف مالهم علاقة بالدين؟ لك هدول بحياتن .. ( الأخ نديم يقصد أنه لا سوابق لهم ) بدي روح قول لأمريكا هدول إرهابيين ؟ أما إذا أنا جيت فوراً بيروح بيجيب سجلي و بقلن ليكو يا أميركا شايفين مين أمير هالمنطقة !؟ لذلك أنا كنت نائب رئيس فرع التحقيق بالمخفر والله العظيم - أنا المخفر كان كله بإيدي عملياً - كل شيء يصير بمشورتي ، و الله العظيم كنت وقف عالحراسة و يجي يبهدلني ( يقصد من هو أعلى منه رتبة بالمخفر ) و هو أخ و جاي يعطيني مثل عهد سمع و طاعة و يجي يقعد يبهدلني أمام العالم ! و لهلأ ما حدا بيعرف أنو هيك ، آخر شي يفكروني عنصر عادي ، لكن هو عملياً كان المخفر بإيدي ،
بشار بدو يجي يقول هدول إرهابيين ؟ شو الهن علاقة ؟! مخفر سلمى و قائده فلان اللي بحياتو هاد بزمانه شوفير شحن و كان أحياناً بزمانه يسكر و لكن هو من طيبته و حبه للدين يجي يقلي علمني الصلاة ! يقلي والله أنا خجلان و يبكي و يقلي والله خجلان منك بس علموني الصلاة أنا ما بعرف صلي بحياتو ما حدا علمني الصلاة !
ركز !
فهني ثلاث سنوات كان معهم أهل المنطقة ، والله ما في قوة بالعالم بتقدر تقلعهم ، والله ما يجي الجيش الروسي و الأميركي سوا ما يقدروا يشيلوهم ولا حيقدروا يشيلوهم من هالجبال ، اي والله - ما في غير رب العالمين كان بيقدر يشيلهن ! -
بدك أمثلة ؟
طيب رح أعطيك أمثلة ، كثيير أمثلة ..
لك فيتنام ما كان فيها هالجبال ، شو صار بالجيش الأميركي ؟ لك أفغانستان ما كان فيها هالجبال بهالمواصفات ، أكثر جبال أفغانستان جرداء ، شو صار بالجيش الروسي ؟
لك الشيشان نفسها مع إنو فيها جبال و فيها غطاء لكن ما كانت بهالمواصفات و ما كان في جنبها هالدولة و فاتحة حدودها ، لا لا ، و الدليل لما سكرت الدولة التركية و ما قدرت تدعم الجهاد بالشيشان كثير وقف الجهاد ! تركيا ولا السعودية ولا كذا .. لأن ما كان في حدود دولة مفتوحة ، و مع ذلك قصموا ظهر الروس بحرب العصابات !
طيب خيو ما رح نبعد ، حزب الله - اللي بسموه حزب الله - اللي انت قاعد عم تقاتله هلأ ، إنت سمعان بحرب تموز 2006 ؟ بتقلي : اي ، سمعان فيها كان حرب مسخرة و كان في اتفاق و و و .
لا لا ما كان في اتفاق و كان في لعبة بدها تلعبها اسرائيل بالموضوع ... روح ع مصادر اسرائيلية ما تروح ع مصادر الحزب ، شوف واقرأ كم غارة ، طبعاً في منطقة اسمها بنت جبيل - احفظ هالاسم - كم غارة اسرائيلية اجت على هالمنطقة يلي هيك قدها ( الأخ يصنع بسبابته و إبهامه حلقة صغيرة ) ، اللي المساحة يلي انتو هلأ أخذتوها يلي عم يضرب عليها الطيران الروسي بتجي أكبر منها بمئة مرة ، يعني بدون مبالغة، يمكن أكثر من مئة مرة ، شوف كم غارة اسرائيلية على هالمنطقة ، حرقها حرق لجبال بنت جبيل ، تمام؟!
قدر يتقدم الجيش الاسرائيلي ؟ ما قدر ، لك عملوله مجازر ! ، لك ليش ؟ لأنو أهل المنطقة هم و الحزب كانوا حرب عصابات ، ما في قوة بالعالم و ما في جيش - مين أقوى الطيران الروسي أم الطيران الاسرائيلي ؟ - الاسرائيلي طبعاً أقوى ، لك حرقوها حرق للمنطقة و ما قدروا ، لأنها كانت جبال لبنان هي الصادد الرئيسي الطبيعي على حدود فلسطين - بسموها إسرائيل - فلما ما قدر يتقدم منها ما قدر يتقدم عبقية لبنان ، بينما بالـ ٨٢ ما كان في حرب عصابات ولا شي صار بنص بيروت ،
لك بمصر كان حيوصل عالقاهرة لأنه ما في هالصادد الطبيعي ، مثل انتو صاددكن الطبيعي على القاعدة الروسية لو ما قدر يتقدم عليه بحياته ما حيقدر يتقدم عليكن ، لك سهل الغاب لما كان بإيدكن لما كانت هالجبال بإيدكن ما ضل يحاول فيه شهر ما قدر يتقدم شي ؟
- طبعاً هلأ بعد ما أخذ الجبال تذكرلي كم يوم بده لياخد سهل الغاب و جسر الشغور و ستذكرون ! -
إذاً الشغلة مو شغلة سحر وقت بقلكن و ستذكرون ، لا الشغلة 1+1=2
طيب مثل ثاني ..
الحوثي ، جبال صعدة هي حدودية مع السعودية و هي صادد طبيعي للسعودية و جبال صعدة جرداء إذا بدك ! لك حرقتها حرق السعودية ، يمكن تسع شهور هاد العاشر ، طيب ليش ما عم يقدر يتقدم الجيش السعودي ؟ بيعرف الجيش السعودي إذا تقدم رح يبيدوه ، بالعكس هني يلي عم يتقدموا هلأ عليه ، ليش ما قالوا طيران سعودي حرقنا حرق بهالجبال ؟ لا هني ما تركوا صعدة ، حتى وقت انفتحت لهم صنعاء ما تركوا صعدة ، نزلوا ع صنعاء بس ضلت قوتهم بصعدة و الدليل أنه أكثر الغارات على صعدة ، لأن قوته ما تركوها و راحوا !
لك حتى هاد بمنطقكم أنتو ، لا عمليات أمنية داخل العمق ولا شي و آخر شي بتقولوا طيران روسي !
إذا بقي نظام أصلاً ، لو طبقوها بإتقان ما كانت روسيا حتقدر تحط قاعدة ، واحد ، و اثنين لك حتى منطقتكم الصادد الرئيسي - أخطر منطقة لكم - و أكبر دليل على ذلك أنه أول شيء اقتحمها الجيش الروسي !- و حتى لما اقتحمها يبعثولكم : أنقذونا أنقذونا .. شو كنتوا عم تعملوا ؟ طلع الجولاني و المحيسني أعلنوا معركة حماه !!! ( الأخ يضحك و يقول : والله بدون تعليق ) وآخر شي اسأله بقلك والله لولا الغارات الروسية ، لو معنا مضاد طيران ، لك أنتو لو بجيكم مو مضاد طيران ، مئة مليون مضاد طيران مع إنه كثير صعب يجيكن ، لكن هلأ في لعبة تركية سعودية ممكن تمرقلكن شوي ، والله لو بجيكن مئة مليون مضاد طيران إنتو أصلاً تفكيركن غلط و ما بني على غلط بدو ينهد ،
والله العظيم ما بقوة إيران ولا بقوة النظام ، والله ما تقووا إلا بغبائنا نحن و للأسف نحن انتسبنا لسيرة أذكى الخلق ، لك والله العظيم السيرة النبوية لما بتتعمق فيها هيك بتقول لك شو هاد الرجل ! لك مذهل لك شو هالاستراتيجية لك شو هالمخ يلي عندو ؟! و آخر شي أنتو الطائفة المنصورة !!
وآخر شي بقلكن و من لم ينتصر بعقل محمد والله لن ينتصر بلحية محمد ولا بجلد محمد ولا برجم محمد صلى الله عليه و سلم .
هذا مختصر لفيديوهين على جزئين لشيء اسمه " غارات روسية " ، بنصحك عيد هذا الفيديو أكثر من مرة و فكر فيه .
في يأس ؟ ما في أمل ؟
لا والله في أمل بإذن الله ، والله العظيم أنا متفائل ، لكن التفاؤل مو معناه بكرا و بعد بكرا ،
لا لا ، متفائل بس في صبر ، لازم نصبر
و بفضل الله حرب الوعي عم تؤتي ثمارها و كثير ناس عم تصحى و توعى
و أنت كل ما نشرت هذا الكلام ، كل ما ساهمت في الحرب الأخطر و الأهم و التي هي معركة الوعي .
سبحانك اللهم بحمدك ، أشهد ألا اله إلا أنت ، أستغفرك و أتوب إليك
السلام عليكم و لا تؤاخذونا على الإطالة .
انتهى التغريغ .
روابط يوتيوب للفيديو
الجزء الأول:
https://youtu.be/qv96L3MeO30
الجزء الثاني:
https://youtu.be/8zB1Ov-va3Y
