تفـــــــريغ فيديــــو
مخططـــــات سريعــــــــة
بسم الله الرحمن الرحيم
هذه مخططات سريعة ستكون على شكل خرائط حتى أحاول أن أقوي عينكم بإذن الله في الفهم والربط الاستراتيجي لتفهموا الموضوع إستراتيجياً أقوى..
طبعاً الآن سنأخذ شي سريع، مع مرور الوقت سنفصل أكثر و أكثر حتى تختمر الصورة بذهنك تماماً أنت كمجاهد كمسلم .. تختمر الصورة بذهنك تمام و تبطل تحصر ذهنك بالمعركة يلي عم تصير هلأ هون بهالضيعة أو بهالقرية أو بهالمدينة.. تعرف أنو العالم كله هاد عالم مترابط متداخل مع بعضه، كله..
هاد العالم: يلي عم يجري بسوريا له علاقة باللي بدو يجري بمصر و اللي عم يجري بليبيا و يلي بدو يجري بالجزائر وله علاقة باليمن وله علاقة بالسعودية وله علاقة بإيران وله علاقة باللي عم يجري بقره باغ الإقليم الأرمني..
هاد العالم مترابط.. هاد العالم فيه محوران كبيران هما الاتحاد السوفييتي وأمريكا..
هاد العالم هو مترابط، ما في حدث -أنت كمسلم- تفصله عن الثاني..
إذا حبيت تقلد نبيك صلى الله عليه و سلم و تكون متله؛ فأنت عليك أن تفهم كل يلي عم يجري بالمنطقة حولك..
ولا تحاول تستغله، حاول تعرف كيف تثبت، كيف تقيم دولة تثبت، مو دولة خلاف استخباراتي
(خلاف أجهزة استخبارات مع بعضها) تاركينك حتى يستثمروا عليك كحجرة الشطرنج فتفكر حالك أنك أنت صرت دولة،
وأنو إذا أنا هلأ تاركيني فهاد نصر الله!! وهاد كذا!!! والله مع المتقين!!
و بعد شوي تشوف حالك أنك أنت فرطت، ودائماً هاد الموضوع نفسه نفسه، عم ينعاد من 150 سنة لهلأ نفسه!!
خلاف استخباراتي؛ أنت بيتركوك مشان يستغلوك كحجر شطرنج ثم بينهوك لما بيتوافقوا مع بعضن،
فأنت بفترة الخلاف بتقول الله أكبر أنا أقمت الدولة!!
آخر شي بتقول إي منيح مني أقمت حكم الله في الأرض.. منيح مني اللي عملته ..
لا مو منيح منك يلي عملته!
أنت لما تضل حاصر ذهنك بالمنطقة أو الضيعة أو البلدة أو .. أو.. الخ !!
أو حتى الجيش يلي عم تحاربه هلأ أنت.. أنت بتكون أحمق..
هاد العالم مترابط.. هاد العالم: أنت هلأ بتدخل على حساب فيسبوك بتقوم تتصل بعالم بأمريكا وعالم بألمانيا وعالم بفرنسا وعالم بالاتحاد السوفيتي..
هاد على مستوى حساب فيسبوك، فما بالك بمعارك إستراتيجية ؟!
فما بالك بمعارك بالعالم كله ؟! فكل شي مترابط مع بعضه!!
رح نجي هلأ بالبداية .. بسم الله قلنا شي سريع رح نجي على مصر..
مصر بتقلي ليش بلشت فيها ؟! بقلك مصر ستشهد أحداث قادمة كبيرة..
مصر كما تعلمون قطعت بث قناة حزب الله "المنار" عند زيارة سلمان لمصر!
سلمان ليش زار مصر؟! كل يلي شفتوه هاد أنو مصاري وما مصاري..
مو شي مقابل يلي صار بهالجزيرتين (يشير الأخ إلى الخريطة)
هالجزيرتين يلي باعهم السيسي عطاهم للسعودية ..
هلأ بالحقيقة هاد المضيق (يشير الأخ إلى المضيق على الخريطة)
ركز .. هاد المضيق أهميته هو وجود إسرائيل.. خليج العقبة كمان هاد إيلات..
هون إيلات (يشير الأخ إلى الخريطة) من هون منفذ اتصال لإسرائيل على الهند و الصين وكل العالم الشرقي،
مثل ما البحر المتوسط هون هو منفذها على العالم الغربي.. فهذا المنفذ مهم جداً،
ثم إذا أحبت إسرائيل في يوم من الأيام تقطع قناة السويس أو تعمل قناة السويس تمام !!
وتفتح من هون لهون مسرى (يشير الأخ إلى الخريطة)
وهذا شيء انحكى فيه من قبل أنو نحن نفتح إن كان من هون للبحر الميت أو يفتحوا قناة بحيث يعطلوا قناة السويس وأهميتها..
فلو عطلوها؛ إذا هدول الجزيرتين إسرائيل ما قدرت تسيطر عليهن فالمضيق بدو يتسكر..
لأنو هاد المضيق متل ما شايفين هون سيطرة مصرية وهون سعودية - هون أراضي الجزيرة يلي بيسموها السعودية-..
فإذاً هدول الجزيرتين مو بس جزيرتين؛ هنن في شي كتير مهم من ناحيتهن حتى هاد الجسر يلي ممكن يربط بين أفريقيا وآسيا بدو يمر عن طريقهن ..
طبعاً هاد الجسر هو بدو عملياً شوي يؤذي إسرائيل لأنو إسرائيل إذا بتلاحظ هي قاطعة المنطقة الإسلامية يلي بيسموها العربية.. المهم قاطعتها بالنص..
فالاتصال بين آسيا وأفريقيا قاطعته إسرائيل..
فببساطة عندما يكتمل بناء هذا الجسر سوف يصبح هناك اتصال بري.. وهذا الشيء سوف يؤذي إسرائيل..
يا ترى هل سيتم بناء هذا الجسر؟؟
باعتقادي لن يتم !!
لماذا؟؟ .. ليس فقط من أجل الجسر بل من أجل أشياء أكثر من ذلك ..
الآن سوف تبدأ فتنة كبيرة على هاتين الجزيرتين وبالفعل قد حصلت ..
لماذا أعطاهم الجزيرتين ولماذا اشترتهم السعودية؟؟
ربما قد توضع هذه الجزيرتان تحت حماية دولية..
وآخر شيء سوف يحصل مشكلة بين مصر والسعودية وهدفهم أن يكون هناك حماية دولية وبالتالي أصبحت الجزيرتان لإسرائيل..
ولكن ماذا سيحصل في هذه المنطقة في سيناء؟!!
عندما بدأنا أن مصر قطعت بث قناة حزب الله وهذه ضربة قوية للحزب ..
لأنه حزب فهمان ويعرف قيمة الإعلام ..
طبعا أنا من زمان قلت أن مصر أحد أهداف وتخطيطات إيران ..
ولكن تخطط بهدوء على نار بـــاردة .. وبالاختراق بهدوووووء ..
طبعا أحد الأمور التي يستطيع الحزب أن يدخل من خلالها إلى مصر وبقوة هي حجرة الشطرنج المميزة جداً الإرهاب..
فيجب أن تشعل سيناء بقوة ويجب أن يحصل اقتحام من ليبيا والحدود الليبية إلى مصر..
ويجب أن تشعل مصر بالتفجيرات..
الآن أنت بدأت تتأكد أني لست ساحر عندما أقول لكم وستذكرون..
وإنما الأمر هو أن تفهم الواقع الاستراتيجي للعالم، ثم اللعب الدولي، ثم اللعب الإقليمي، ثم أن تفهم مخططات عدوك..
وتعرف ماذا يريد عدوك أن يفعل ..
فعندها تستطيع أن تعلم ماذا يحدث..
أنا أطرح لكم ماذا يحصل لأن أهم خطوة للعلاج هي التشخيص ..
فنحن إذاً هذا الذي نتوقعه لمصر في هذه المرحلة القادمة ....
سيناء سوف تشعل .. لأن مشاريع السعودية التي انطرحت من جديد كانت عن سيناء ..
لذلك سيناء سوف تشعل.. وهذا الجسر لن يتم..
وأعتقد أن مصر سوف تشعل أيضاً من أجل أن يستغيثوا بروسيا في النهاية وبشكل سري مع النظام السوري..
وأيضاً من أقدر وأكثر من يستطيع مواجهة الإرهاب في العالم(الوكيل العالمي لمكافحة الإرهاب)؟!! هو حزب الله ..
وهذا الذي يعمل عليه الحزب، وهو ما بينته لكم سابقاً كثيـــــراً في مقالات مخططات،
وما أهداف الحزب وليش وليش و ..
وفي الزبداني ولماذا يتسلى هناك ؟؟ لأنه بالأساس لا يضع النخبة في المعارك هناك .. وإنما يضع أناس جدد ليتعلموا..
وليخبرهم أن تعالوا وشاهدوا ماذا فعلت في تدمر وكيف استطعت في الصحراء..
وفي الزبداني مثل ستالين غراد وكيف استطعت أن أهزمهم..
وبعدها في الجبال مثل (تورا بورا).. وهزمتهم.. وأنا وأنا.. !!
يعني أنا الذي أستطيع أن أدفع الدماء..
(لأن مشكلتهم هي بالدماء.. فهم يستطيعون أن يحاربوا لوحدهم ولكن مشكلتهم في الدماء لا يستطيعوا أن يدفعوا الدم)..
وأنا عندي خبرة كبيرة جداً في حرب العصابات..
وبالأساس هناك جيوش كثيرة - إذا أردت - تتعلم من الحزب أسلوب الهجين الذي هو (خليط بين حرب العصابات والجيش النظامي) وهم الذين طوروا الجيش السوري من هنا..
فإذاً الارهاب هو الحجة التي سوف يدخلون منها .. لذلك من مفهوم الإرهاب .. طبعاً نحن قلنا أنه
هناك أمران يلعبون بهما .. وهما:
الإرهاب.. وأهم شيء اختراقهم الكبير للجماعات الإسلامية الكبيرة.. اخترقوهم بشكل كبير جداً..
والآن أنا سمعت أنه تحررت مدينة الراعي ..
وكان عندي فيديو قبل هذا كنت سأقول به أن الدولة سوف تعود وتأخذ مدينة الراعي .. ولكن لم يتم الفيديو ..
دعونا ندخل للمحور الثاني بعد أن انتهينا من المحور الأول الذي هو مصر، وهو بالتأكيد مترابط مع المحور الأول..
الذي يحصل الآن في غرب نهر الفرات..
التقدم الذي يحصل هناك.. لمدينة الراعي.. ومؤازرة الطيران الأمريكي..
وما هدفه من أن يصل إلى الباب ومن الباب إلى الرقة..
ما هو الهدف وما هي اللعبة في الموضوع؟ ماذا يحصل؟!
برأيي أن هذا التقدم الذي حصل هو بتوافق إيراني أمريكي تركي روسي ..
تقول: ماذا؟!!
أقول نعم، هذا رأيي.. وما زيارة أوغلو من عدة أسابيع إلا من أجل هذا الموضوع..
وهو أن يسكتوا عنه.. فقال له الإيراني نعم نسكت عنك لأنه نحن بالأساس لا نريد أن يكون هناك فدرالية كردية..
ولكن يا ترى هل كل ما يريده الإيراني هو إلغاء الفدرالية الكردية ؟؟..
دعونا نرى ..
هذه إعزاز المركز وهذه مدينة الراعي التي أخذوها وهذه مدينة الباب
طيب...اللهم صل على محمد..
هلأ بلشو يتقدموا يتقدموا يتقدموا لحتى وصلوا للراعي و أخذوها والطيران الأمريكي والتركي معهن..
طيب شو موقفه وشو هدف الإيراني من الموضوع لنشوف.....
هو ما بدو قيام فيدرالية لكن عنده هدف أهم..
قال للتركي أنا معك لكن مقابل شو؟.. شو بدك تعطيني يا تركي بدالها؟؟
أنا برأيي أن التركي إذا ما قال له خذ حلب و عطيني منطقة دابق وما حولها واسكت عني،
إذا ما قال له.. فـ رح يقول له أقل شي ما بضمن لك عدم قيام أي هجوم حقيقي ضد نظام الأسد..
ولا يجب أن ننسى الفوعة وكفريا كيف بعد ما بعت (11) استشهادي وثاني يوم عمل هدنة والتي جاءت بأمر تركي..
لأن ضغط تركي كبير.. واللوم ليس لتركيا بل هو غباؤكم..
تركيا عملت أقصى ما تستطيعه كدولة بل وأكثر من ذلك..
أصلاً بدهم يلعبوا لعبة وسخة مع أردوغان بسبب الفصائل وغبائها،
والخطأ التركي أنها اعتمدت على الناس السُفَّه، الناس الخطأ....
طيب.. لكن الهدف الإيراني الخفي من هذا الموضوع عدا عن أنه حصل على مقابل عدم الهجوم على النظام..
أيضاً أتوقع السكوت التركي عن أخذ النظام لحلب ووقوعهم بالفخ الذي حصل وسوف نشرحه..
أنا برأيي أن إيران تريد إغراق تركيا أكثر وأكثر.....
بتقللي بشو بدها تغرقها؟!!...
بقلّك تركيا أصلاً غرقانة بالشرق التركي.. إيران بدها تغرقها كمان مع الأكراد بالغرب التركي، ما بس مع الأكراد ..
سيحدث توجيه للدولة وجماعتها.. ولن تأخذ المعارضة هذا الشريط.. لن تأخذه.
إذا الدولة ستفعل متل كوباني لن تعطيهم هذا الشريط..
والله أني صورت هذا التصوير قبل يومين لكن ما استطعت أن أسجله فأعدته اليوم..
تفاجأت.. لأني كنت أقول سيأخذون الراعي فأخذوها..
طبعا رح يصير كر وفر ولكن الموضوع هو استنزاف تركي..
رح تشعل تركيا بتفجيرات تنسب للدولة (داعش) للأسف..
نحنا طبعاً ضد أي عمل بتركيا، والأكراد سيتقوون بالشرق كثيراً..
والصواريخ المضادة التي وصلت للمعارضة والتي بدأت تتسرب بغباء طبعاً..
طبعاً الصواريخ تسكيتة.. وأنا قلت أنهم سيعطونهم كم واحد ليسكتوا مقابل وقف الهجوم...
لك صحي بدي أسألكم.. شو صار بالهجوم البري؛ الاكتساح البري السعودي التركي؟!!
عأساس كنتم متأكدين !!
أنا قلت أتحداكم يصير هذا الشي.. كل هذا مسخرة..
ورح يسكتوهم بكم صاروخ ويضحكوا عليهم قلتها لكم بمقالات مخططات (14) أو(13)..
أتحداكم أن يستخدموا الصواريخ ضد الطيران الروسي..
أقصى شي ضد الطيران السوري.. بتقلي أي انسحبوا الروس....
الله يرحم البوست اللي نزلته أول سماعي لخبر الانسحاب الروسي.. نزلت مقال صغير اقرأه وشوفه..
https://www.facebook.com/permalink.php?story_fbid=1521866521451663&id=100008849894195&fref=nf
طبعاً الخطة التركية كيف كانت بدها تكون؟!.....
إنو نحنا نشغل النظام نهجم ع (تلة العيس) ونحرك ورقة الشطرنج التي هي النصرة ويبدأوا استنزاف وبيتسلو عليهن؛
ساعة بياخدو العيس ساعة بيسترجعوها..
بالمقابل يكون النظام المتقدم من ناحية كويرس، رايح عالباب؛ بيوصل قريب جداً للباب..
نحنا بهالوقت منكون أخدنا من الراعي ونزلنا عالباب..
يعني تقريباً المسافة متساوية بين المعارضة وبين الباب بعد ما أخذوا الراعي..
لذلك الاختراق بدو يمشي بالدولة إنو امنعوهم..
بتعرف شو معناتها المعارضة تأخذ الباب..؟ ...
معناتها كل اللي سواه النظام وروسيا بتدمر وكل الدعاية اللي طلعو حالهم أنهم الوكيل الرسمي لمحاربة الإرهاب..
هذا اللي كنا نحكيه حزب الله والنظام وإيران، كل هالدعاية رح تروح لأن رح تضج الدنيا أن المعارضة كمان قادرة على حرب الإرهاب... ما بس النظام..
هاد الشي ممنووووووع... لتعلم أني ماني ساحر، لهيك قلتلك رح ياخدو الراعي مرة تانية..
أنا مو ساحر بس بعرف اللعبة الاستخباراتية والاختراقات وبعرف اللعبة الاستراتيجية فغالباً بإذن الله بيطلع كلامي صح..
وأنت كمسلم مجاهد لازم تكون هيك، وبتمنى كل القادة تكون هيك .. وقتها وين بنكون نحنا!!
فلذلك من "الراعي" بدهم ينزلوا على "الباب" ... والنظام هلأ رايح على "الباب" ...
الآن الحرب من يأخذ "الباب"
إذا المعارضة أخذت "الباب" يعني ضربة جداً كبيرة لكل محور روسيا – إيران – النظام –الحزب ....
وهاد الشي مارح يسمحوا به .....
أولاً: أوقعوكم بالفخ، أو أنه الغباء، أو أنه سنحت الفرصة لهم.. وهجومكم على العيس ....
هم " النظام روسيا إيران" كانوا رح يطوقوا حلب كلها ....
لكن ماذا حصل؟! أتت الهدنة، فكما قلت لكم أن النظام يهتم كثيراً أن يكون في حل سياسي،
وبيطلع أمام العالم أنه هو بيحب الهدنة، وبحب العملية السياسية ....
لأن حتى لو أخد النظام سوريا كلها ... إذا ما صار حل سياسي مارح تنفتح السفارات مرة تانية،
ومارح يرجع يعترف به مرة ثانية برا دولياً وعالمياً،
ومارح يرجعوا يفتحوا البنوك ووو....
لهيك هو يريد حل سياسي، مشان هيك هو بدو يترك إدلب متل "كانتون" الضفة الغربية في فلسطين ... تاركته إسرائيل..
ويتركهن يتسلوا عليها شوي لبين ما العالم يسكت عنه شوي لبين ما يصير حل سياسي، وتنفتح المكاتب، وترجع السفارات،
ويرجع العالم الدولي يعترف بحكومته... وهاد يلي بدو إياه النظام...
هلأ هو عم يتسلى عليكن، وعطاكم أحلى منطقة بسوريا إستراتيجياً يلي هي إدلب!!
وتسلى عليكم فيها ...
وهدفه الآن حلب ... عينه لا تخطئ حلب
الآن أنتو جبتوله حجة جاهزة
سقطت الطيارة .... ثم سبحان الله!
بتطلع وكالة سانا "وما بتقول عطل فني أو كذب أو تنفي خبر سقوط الطيارة كالعادة!!
وإنما قالت واعترفت بسقوط الطيارة بصاروخ أرض جو مضاد للطائرات من قبل المعارضة!!
وأنتو مبسوطين أنو سانا اعترفت!! هبووووا
يا أغبياء أقل شي بتقول سانا خلل فني أو بتسكت أو بتكذب ....
لكن شوف بهالشي عم بطالع سانا والنظام أنكم أنتم من خرقتم الهدنة....
عندها لن يقفوا عند استعادة العيس.. وستذكروون..
ولكن سيكملون إلى الفوعة وكفريا .... وعيونهم لا تخطئ حلب ..
الهدف حصار حلب .... وأنتم أعطيتموهم المبرر !!
هم يريدون حصار حلب ... وبنفس الوقت يريدون أن يمنعوكم أن تصلوا إلى الباب قبلهم..
كيف؟!!
أنا برأيي اختراق الدولة سوف يتم... وسيقوون الأكراد كثيراً... بدهم يطحنوكم طحن...
وهون مارح توصلوا على الباب.... أتحداكم أن تصلوا إلى الباب ...
وحتى إذا وصلتم إلى الباب... مارح تقدروا تبقوا فيها يومين ... أتحداكم !!
مارح تقدروا توصلوا للباب ... أتحداكم!
أنا أقول مستحيل .. لكن لو فرضاً وصلتوا فلن تستطيعوا البقاء يومين فيها..
فالهدف الإيراني كان من قبل هو استنزاف تركيا أكثر وأكثر...
وحرقها بين الأكراد والدولة، ورح تشعل تركيا بالشرق أكثر وأكثر،
ورح تصير تفجيرات فيها"للأسف" أكثر وأكثر ... لأن ممنوع توصل تركيا إلى "الباب"....
لأن إذا وصلت إلى الباب فهذا نصر كبير لأردوغان، ورح يشيل عنه شبهات كثيرة بأنه هو مع الإرهاب وعم يدعم الإرهاب...
لذلك ممنوع هاد الشي "وصول قوات المعارضة إلى الباب" وإلا بتخرب الخطة الإيرانية وبتخرب مخططاتهم كلها...
فإذاً هاد الشي يلي عم يصير بحلب...
وهاد الشي يلي بدهم إياه من الفوعة وكفريا ...
لازم يوصل لها النظام... مشان المد البشري ياللي فيها يروح مع "النظام" ...
عدا عن أنها هي رح تكون كقاعدة بعدين في المستقبل للنظام من أجل استعادة إدلب ...
لأن إدلب حالياً مابده إياها هلأ...
كل شي بتسمعوا عن أخذ إدلب من قبل النظام أو أنه سيستعيد إدلب بالوقت الحالي فهاد شيء غير صحيح... لاتصدقوه..
"إدلب تاركها لبعدين"... وحتى اللاذقية (محافظة اللاذقية) رح يوقفوا فيها..
"إذا أخذوا" سيقفون عند جسر الشغور ولن يكملوا للشرق أكثر من هيك ولا أعتقد أن يتمركزوا أصلاً في جسر الشغور لأنها منطقة سهلية...
ورح تكون جسر الشغور منطقة ساقطة نارياً، وخط تماس برأيي لأن بعدها شرقاً كله سهول، والسهول معركتهم،
إيمت ما بدهم بياخدوها، أصلاً السهول هي معركة الجيوش النظامية، ومعركة غبائكم أنتم..
لأن لازم تكون معركتكم في الجبال معركة العصابات...
وطبيعة جبال الساحل هي أفضل طبيعة لحرب العصابات في العالم ...
لكن غباءكم وخبثكم وجشعكم وعمالتكم هي اللي دمرت الثورة ودمرت الجهاد ثم دمرت البلاد والعباد..
هنا انتهينا من المحور الثاني وهو ما يحصل في سوريا...
وسننتقل للمحور الثالث، وهو محور بعيد قليلاً...
أنت كمسلم يجب ألا تحصر نفسك أو تضيع نفسك فقط في ضيعة أو قرية.. وخلص وتنسى ...
هو مايحصل فجأةً بإقليم "كاراباخ"..
هلأ بتقلي شو لنا علاقة بإقليم "كاراباخ"... !! هي مشكلتك
طبعاً أنا بمخططاتي القديمة كنت أربط كل شيء عم يصير باليمن مثلاً أحياناً بسوريا ...
وكل شيء عم يصير بسوريا أحياناً بالجزائر ...
لكن دعونا قبل أن نتحدث عن كاراباخ ...
هناك نقطة ينبغي أن أقولها بما أنو صرنا بالجزائر والمغرب العربي ...
وإن شاء الله في المرات القادمة سأفصل أكثر ماذا يحصل هناك..
انظروا إيران تسعى إلى ما يلي ... إيران تسعى إلى أن يكون عندها
هذا مشهد للعالم العربي القادم..
سوريا، العراق، لبنان، اليمن، مصر، الجزائر، وهنا عندك سلطنة عمان شوي، والإمارات..
الإمارات حيادية وستكون مقر اقتصادي لإيران أصلاً في الفترة اللاحقة،
وسلطنة عمان حيادية.. سلطنة عمان تهم إيران كثيراً لأنها في الطرف الثاني لمضيق هرمز..
هذا المحور إيران ترسمه ليكون العالم العربي الجديد،
مصر بالأقل إذا ما ضمته لها، فعلى الأقل ستضمن الحياد الإيجابي لإيران؛ الحياد الإيجابي لإيران هو السلبي للسعودية.
والجزائر هي البلد العظيم، بلد الطاقات الهائلة النفطية و الغازية والبلد الكبير جداً كل ماله عم يروح باتجاه إيران..
تونس أيضاً بلد سيكون فيها حياد إيجابي..
ليبيا هي أصلاً البلد الممزقة، هي منطقة الصراع القادم بقوة،
بس ينتقل العفش من سوريا والعراق رح يجي لهون على ليبيا،
ورح نحكي عليها بمقال مخططات ١٥ وشو الهدف منها،
وشو علاقة تركيا بالموضوع، وما هدفهم أن ينقلو الحرب لتركيا؟!
وما الفرق بين سوريا وليبيا بالنسبة لتركيا؟!
لماذا هدفهم أن يخرجوا تركيا من اللعبة السورية ويحضروها إلى ليبيا، ويراضوا تركيا بليبيا؟!!
جماعة تركيا في ليبيا هم الإخوان المسلمون الذين يحكمون طرابلس،
يعني هنن عم يراضوهن هلأ بينما هون بسوريا عم يحرقوها حرق لتركيا،
طيب ليش؟!!، هذا ما سنراه..
وما المتوقع للسعودية في المرحلة القريبة والمراحل فيما بعد إن شاء الله..
إذاً هاد المحور هم يرسمون له ليكون محور مع بعضه فيشكّل نواة العالم الجديد العربي،
ليبيا أصلاً ستكون هي مقسمة، المغرب هي بعيدة أصلاً عن الأحداث،
السعودية بعدين بدو يصير فيها مخطط، الأردن أصلاً هية بلد مانو معتبر،
فعملياً هادا العالم العربي لأنو السودان أصلاً تابع، فهادا هو العالم العربي بكونوا أخدوا،
موريتانيا إختراق إيراني كبير جداً فيا،
وبتوقع الصحراء الغربية يصير لها أحداث بالمغرب بكرة تدخل بموضوع إرهاب وما إرهاب لحتى يقدر يدخل الحزب للمغرب كمساعدة كمان،
فعملياً بتكون إيران سيطرت على ما يسمى العالم العربي السني بهالمحور هادا.
بنرجع على (إقليم قره باغ)، بتقلي شو علاقة قره باغ بحديثنا؟
وليش أصلاً هالعلقة على (قره باغ) خلينا نشوف هالصورة..
هي الصورة: هي أرمينيا، أذربيجان،
وهادا بالأحمر الغامق (إقليم قره باغ)، وبالأحمر الفاتح هي كمان تابعة لأرمينيا..
شوف.. ركز..
أذربيجان هي بالأصل هيك (مع المنطقة الحمراء) ، كلها هي أذربيجان، هي لازم تكون كلها أخضر،
لكن هادا الإقليم (قره باغ) إقليم ساكن فيه أغلبية أرمنية بنسبة ٩٥% تقريباً أرمن،
بعام ١٩٩٢ تقدمت أرمينيا بدعم روسي وأخدت هالمنطقة بالأحمر الفاتح فصارت كل هي عملياً تابعة لأرمينيا،
الحلو بالموضوع إنو هادا الإقليم (الأخضر الغربي) كمان تابع لأذربيجان وهو الإقليم الوحيد الذي له حدود مع تركيا بحوالي 17 كم،
لكن هذا الإقليم منعزل تماماً بعدوَّين اللي هنن الأرمن وإيران،
التنين عملياً مخالفين لأذربيجان بشكل قوي رغم إنو أذربيجان أكثريتها شيعة لكن هي الشيعة بسموها شيعة الناتو،
بشبهوها لبعض أعضاء شيعة الناتو بالعراق، شيعة الناتو أو شيعة أردوغان،
فهدول الشيعة ما بيعترفوا بولاية الفقيه، فهدون الشيعة إذا بدك هنن أعداء لإيران أكتر من السنة،
فلذلك عملياً أذربيجان هي مخالفة لسياسة إيران.
فهاد الإقليم متمسكة فيه تركيا ومتمسكة فيه أذربيجان رغم أنو هو إقليم منعزل،
لأنه يشكل حدود بين تركيا و أذربيجان،
أذربيجان عندها مخطط إنو يوم من الأيام ياخدوا يوصلوا هالقطعة لحتى يصير في حدود مباشرة بين تركيا والعاصمة باكو اللي هي هون عالبحر،
لكن هذا المخطط مستحيل يطبق عند الروس وعند الإيران لأنو بصير في مشكلة كبيرة كتير على هذا الموضوع.
هاد الإقليم (قره باغ) ليش كل هالعلقة عليه؟ شو بدن العالم منو؟
ليش كل هالقصة قامت عليه؟
ليش هلأ شعل، ومين اللي شعله؟!
أنا برأيي اللي شعله عكس اللي عم يقوله أنو تركيا هي اللي شعلته، أنا بقول العكس تماماً؛ اللي شعله إيران وروسيا..
هلأ عندك جورجيا هون ضد إيران وضد روسيا، قريبة من تركيا وعندك أذربيجان نفس الشي.
طيب .. في شي عندك اسمه حرب الغاز.. بتقلي حرب الغاز؟ بقلك إي.
هادي حرب الغاز شوفو المخطط..
هلأ روسيا متل مابتعرفوا أحد الشغلات اللي كاسرة راس أوربا فيها هي الغاز.
أذربيجان بلد قوي جداً جداً جداً جداً بموضوع الغاز بشكل يمكن ما يتخيله عقلك،
يستطيع أن يغطي أوربا بالغاز هالبلد هدا.
لكن يحتاج لأنبوب ، إذا تم مد هذا الأنبوب كسرت راس روسيا، وهدا الشي عندها من الأمن القومي ،
شي هي بتعتبره من الأمن القومي أنو تفقد ورقة الضغط الكبيرة جداً عليها عدا أنها فائدة اقتصادية..
ورقة ضغط كبيرة جداً عليها وهي ورقة الغاز اللي هي دائماً بتضغط فيها على أوربا .
إذا طلع خط من باكو لتلبيسي بجورجيا اللي هي ضد روسيا، لتلبيسي مانزل لهون:
في خط أصلاً ممدود لأرزروم يمكن وطلع هييييك على أضنة على ميناء جيهان التركي.. تمام ..
من باكو لتلبيسي لأرزروم لأضنة لجيهان..
هدا الخط وبعدين بيروح منه ع أوربا،
إذا طلع هدا الأنبوب مع أنو طويل وكان فيهم يختصروه لكن أرمينيا عدو،
أو إذا هنن مدوه لهون المنطقة متل ما قلنا وصلوها ..
كان فيهن ببساطة هيك ينزلو الخط يطلع من هون يطلع على تركيا، بيصير يوفر عليهن تكاليف هائلة.. تمام..
لذلك هذه الحرب..
إذن ممنوع أذربيجان تنوصل عن طريق قرة باخ،
والحلاوة أنو هذا الخط (باكو- تلبيسي) بعيد هذا الخط عن إقليم (قرة باخ) 15 كلم بس ..
من هون عم يمر الخط هيك بدو يطلع على جورجيا، بدو يمر بهدا المضيق..
هدا بعيد هو بالأصل خط وعامل قبل ماتصير هالمشاكل،
فصارت هالمشاكل مشان هدا الخط بعيد 15 كم إذا بتقدموا شوي بتقطعوا الخط..
