تاني حاجة ما يخص LinkedIn:
ليه أهتم بلينكدن LinkedIn؟ لأنه على الأقل المكان اللي أي حد بيتعلم حاجة بينشرها عليه، كما إنه شائع ومطلوب في التقديم لأي شغل (ممكن الـRecruiter بيشوف الـActivity بتاعتك منه وهل إنت بتشغل وبتنزل حاجة مفيدة أو نشيط في متابعة غيرك والاستفادة منهم مثلًا وغيره)، هتسجل عليه وتتعامل.
إزاي أظبط صفحتي؟ هقول لك نقط أساسية (قد تبدو بديهية) المفروض تكون موجود في أي LinkedIn profile بشكل يخلي الناس تتعرف عليك صح وبسهولة:
مبدئيًّا كل حاجة هتسجلها غالبًا هتكون بالإنجليزي،
1- حط غلاف متعلق بالمجال اللي مهتم بيه (أكواد برمجة مثلًا لو إنت مهتم بالـSoftware)،
2- صورتك تكون قريبة وواضحة ويفضّل تكون رسمية Formal،
3- تعمل من صورتك Open to Work وحسب إنت بتدور على إيه Software Engineer Intern roles مثلًا،
4- الـHeadline بتاعك (اللي في الـSection اللي تحت اسمك على طول) يعبّر عن أفضل حاجة بتعملها أو أقرب مسابقة فزت/شاركت فيها أو أقرب تدريب/شغل شاركت فيه (بمعنى أصح أكتر حاجة تقدر تشد بيها اللي هيخش يشوف حسابك)،
5- الـAbout هتكتب فيه إنت Skilled في إيه بالظبط وشاركت في إيه وبتدور على إيه (شبه الـHeadline بس مفصّل شوية، وحاول ماتكررش كلام قلته قبل كدا)، ممكن -بالإنجليزي- تقول مثلأ: أنا عايز أشتغل كذا ومهتم بكذا وشاركت في مسابقة/معرض كذا وكسبت جايزة في كذا وعندي مهارات كذا، وحاليًا بدور على تدريب مثلًا في مكان مرموق في مجال كذا،
6- في Featured Section، في الغالب الناس بتكتب بوست على لينكدن مجمّع لحاجة معينة زي Resume Tips أو خلّص مشروع أو تدريب معين أو فاز بجايزة وبعد ما ينشره يحطه Featured، وفيه ناس بتكون نشيطة على GitHub فبتحط اللينك بتاعه، وفيه ناس بتحط الـResume برضو، ممكن تحط أقرب حاجة لامعة عنّك يعني،
7- مهم يكون عندك Connections وFollowers كتير، ويفضل تخلي دا هدف (1,500 connections مثلًا) قبل ما تنشر حاجة علشان وقت النشر يكون عندك اللي يتتفاعل معاك،
8- طبعًا هتضيف Experience لو شاركت في تدريب معين أو شغل معين Part/Full time وتشرح في كام Bullet كدا عملت إيه واشتغلت على إيه، و Education و Licenses & certifications حسب اللي معاك برضو.
9- مهم يكون عندك Volunteer experience وإنت في البداية كطالب، شاركت في أنهي أنشطة تطوعية وعملت إيه تحديدًا وأنجزت/استفدت إيه (مهم أكتر من إنك تضيف إنك كنت في فريق كذا في لجنة كذا المدة المعينة؛ إنك تشرح عملت إيه وكسبت إيه في الفترة دي).
10- الـ Skills & endorsements هتضيف بقى كل اللي تعرفه، سواء اتعلمته أو لسه بتتعلم فيه، وممكن دوريًا تخلي صحابك اللي اشتغلوا معاك وعارفين مستواك يعملولك endorsement حسب ما هم شايفينك، ومهم توري للناس شغلك علشان يفيدوك ويقيموك بمعنى أصح، والـRecommendations بعد كل مشروع/تدريب/مسابقة اشتغلت فيهم مع حد؛ استغله وخليه يكتب عنك كلمتين يوضح الصعوبات اللي مريتم بيها أو المهارات اللي استفدتوا بيها من بعض أو يوصفك عمومًا،
11- بعد كدا وآخر حاجة هي الإنجازات Accomplishments وبتضيف فيها:
Publication, Patent, Course, Project, Honor and Award, Test Score, Language, Organization،
ماتتخضش علشان الإنجازات دي مكملة معاك لحد ما كلنا نموت إن شاء الله ومش مطلوب منك كطالب يكون عندك كل دا، غالبًا هيكون عندك اللي تضيفه في خانة المشاريع والدورات والجوايز وممكن Test Score أو Language لو إنت طالب جامد جدًّا واتعلمت لغة جديدة ألماني مثلًا وأخدت فيها مستويات وامتحنت فيهم، ولو مهتم بالمجال البحثي مهم تتعلم إزاي تعمل Publication or Patent وربنا يرزقك.
هذا وبالله التوفيق :") ودا لينكدن بتاعي، بحاول أطبق عليه كل النصايح اللي فوق دي وأتعلم من غيري أول بأول، افتحه وتابع النقط الـ11 بالترتيب هتلاقي الدنيا بسيطة إن شاء الله:
https://www.linkedin.com/in/ahmad-abdulrahmaan
==================================================================
كان فيه بوست لباشمهندس أحمد علي، بيتكلم عن أهمية لينكدن:
cegedim, Microsoft ATLC, Halan, robusta, InstaBug, Master Micro, 360Imaging, valeo, elmenus, Giza Systems, trella., Knowledge Officer, Homzmart, sumerge, cassbana, talents arena, Paymob, CodeScalers Egypt, Bevy, Si-Ware Systems, bosta, Yodawyapp, trufla Technology, Kites Software, webkeyz, extremesolution, zVendo وغيرهم كتير من الشركات الكويسة.
وفيه هنا ليست عن الشركات اللي شغالة Ai في مصر:
https://my-interviews-experience-in-egypt.quora.com/AI-Driven-Companies-in-Egypt
1- لما تقدم في شغل في شركة معينة ماتنساش تجرب تكلم حد من الشركة اللي بتقدم فيها (بيكون شغال في التيم اللي عايز تخش فيه مثلًا) وتطلب منه referral (يعدي الـresume بتاعتك من طابور طويل ويوصله للـrecruiter علشان تضمن تبدأ الـprocess) وعلى فكرة هو كمان بيستفيد لو عديت واتقبلت في الآخر فلو إنت شاطر هتلاقيه مهتم.