نصائح_عشرينية

طيب اي المفروض نعمله فترة الجامعة ع مدار الأربع أو الست سنين؟؟ 
هما 3 حاجات مهمين جدا، وكنت اتكلمت عنهم هنا ف القناة قبل كدا: 
- الإنجلش؛ دي أول حاجة مهم تركزي عليها فترة الجامعة، وتشتغلي عليها..مش لازم يكون مستواكِ فيها "بيرفكت"، ولكن أقل حاجة يكون "جيد" مثلا.
- تاني حاجة؛ لازم تتعلمي ICDL، اي شغل دلوقتي وأي وظيفة بتتطلب إنك تكوني بتعرفي تستخدمي كمبيوتر.
- تالت حاجة بقا، وهي لاتقل أهمية عن الحاجتين ال فوق، هي إنك يكون عندك soft skills عالية 
بمعني؛ 
تتعلمي ازاي تتواصلي مع الناس 
تتعلمي ازاي تديري وقتك صح 
تتعلمي ازاي تكوني ليدر، وتقودي اي تيم 
تتعلمي ازاي تكوني حد واثق فـ نفسه، و فـ اي حاجة بيعملها 
تتعلمي ازاي تماركتي لشغلك مثلا، لو هتشتغلي كفريلانسر ..
وغيييره كتيييير من المهارات. 
( ولو اخدتي لفة كدا ف القناة هنا، هتلاقي كورسز انجلش، وسوفت اسكلز، وIcdl).
- بضيف عليهم حاجة رابعة من وجهة نظري وهي إنك فـ فترة الجامعة جربي تشتغلي أي شغل "يناسب كونك بنت طبعا"، وتعملي دخل لنفسك، حتي لو كانت حاجة رمزية، 
فضلا عن دا وأهم من دا، الشغل ف فترة الجامعة هيديكِ خبرة لبعدين، لما تنزلي لسوق العمل وتشوفي الشغل ال بجد.
اشتغلي ع دا، حتي لو هتشتغلي، ف مكتبة مثلا .. أو ف محل ملابس عادي، وغيره ...الحاجات دي كلها هتزودك خبرة كبيرة.
ممكن كمان تشتغلي م البيت، لو أنت ِ مثلا عندك مهارة معينة، أو شاطرة ف حاجة معينة ..
زي الترجمة مثلا 
التدقيق اللغوي
الجرافيك ديزاين 
 حاجات الهاند ميد
وهكذا .....
__________________
دي كدا حاجات بيزكس مهم جدا جدا تعمليها فـ فترة الجامعة..
عارفة عاملة زي اي كدا؟ 
زي بالظبط بناء البيت، لما بنيجي نبني بيت.. أول حاجة بنعملها هو الأساس ال تحت دا...بعدين العمدان..بعدين الحيطان.. وآخر حاجة بتكون السقف صح !
هل ينفع مثلا نبني السقف قبل الحاجات الأساسيات دي! 
مستحيل 
عاوزاك ِ تتعاملي مع التلت أو أربع حاجات ال فوق بالشكل دا.
_____________________

طيب بعد ما اعمل الحاجات دي، ايه المفروض اعمله بعدين بقا؟؟ 

تبدأي بقا تحددي بالظبط أنت ِ عاوزة اي؟؟ 
أي أهدافك أو أي شغفك 
وع أساسه تبقي تاخدي خطواتك
طيب انا مبعرفش أحدد هدفي!! 
هقولك شوفي الفيديو دا : 
 

 https://youtu.be/bYpZuImE8RI

- نصيحتي الأخيرة بقا؛ من دلوقتي ابدأي ومتضيعيش وقت، شوفي نفسك حابة تتعلمي اي وابدأي خدي خطوة...شوفي أي المهارات ال عندك وابدأي استغليها صح ف الوصول لأهدافك.
#الفلك
 #نصائح_عشرينية