Bi hezaran sersaxî ji malbata şehîd Nûjiyan Ocalan re xwestin

Meclisa Malbatên Şehîdan a Herêma Efrînê ji bo endama Yekitiya Jinên Ciwan şehîd (Emîne Mihemed) Nûjiyan  Ocalan a ku tevî 4 hevalên xwe d êrişa hewayî ya li ser Kobanê de şehîd bûn, merasîmê konê sersaxiyê li kampa Serdemê ya li gundê Til Sosîn ê Şehbayê veda.

Kon bi wêneyên şehîdan, wêneyên rêber Abdullah Ocalan, alên Meclisa Malbatên Şehîdan, Tevgera Ciwanên Şoregerş û Yekitiya Jinên Ciwan hatibû xemilandin.

Di bin konê sersaxiyê de endamê rêveber ê Meclisa Malbatên Şehîdan a kampa Serdemê Mihemed Hisên sersaxî ji malbata şehîd re xwest û  di kesayeta şehîd Nûjiyan Ocalan de tevahî şehîdên azadiyê bi bîr anîn.

Mihemed Hisên îşaret bi sûcên Tirkiyê yên li dijî gelan, di taybet gelê Kurd kir û got: "Em komkujiya Roboskî ya sala 2011'an de ji bîr nakin, heman komkujî niha li dijî gelê Bakur û Rojhilatê Sûriyê dûbare dibin."

Endama rêveber a Yekitiya Jinên Ciwan a Herêma Efrînê Rîm Dada êrişa bi balafirên bê mirov ên biçek ên li ser Tevgera Ciwanên Şoreşger û Yekitiya Jinên Ciwan şeremzar kir û got: "Armanc ji vê êrişê lawazkirina vîna ciwanan e, lê nizanin ku em şopdarên xeta şehîd Viyan û Nûjiyan in, em ê têkoşîn û berxwedanê geş bikin."

Endamê rêveber ê Meclisa Kampa Serdemê Reşîd Qebelan wiha axivî: "Ev şoreş bi xwîna şehîdan hatiye avdan, em nahêlin ku desthilat şoreşa me ya ku banga azadî û demokrasiyê dike,  têk bibe."

Endamê Koordînasyona Kongra Star a kampa Serdemê Hesna Hisên wiha got: "Şoreşa me bi fikir û felsfeya rêber Abdullah Ocalan hatiye avakirin, bi hezaran şehîd di oxira jiyaneke bi azar û bi rûmet cane xwe dane."

Piştre nasnameya şehîd Nûjiyan Ocalan ji aliyê endamê Komîteya Perwerdeya Civaka Demokratîk a Herêma Efrînê Mihemed Mistefa ve hate xwendin û radestî malbatê hate kirin.

Merasîm bi diruşmeyên dilsoziya bi şehîdan û silavkirina berxwedana Kobanê û ciwanên şoreşger bi dawî bû.

ANHA