في مداخلة تليفونية على قناة Ten الفضائية
أ / فاطمة فؤاد
رئيس النقابة العامة للعاملين في الضرائب
التعليق على كلام محلب : مخالف للحقيقة شكلا ومضمونا
لأن الحكومه خفضت العلاوة بعد ما كانت العلاوة من 250-350 لكن الموظفين قبضوها من 20- 63
اذا تحدثنا عن احتياجنا لقانون للاصلاح الاداري في الدولة نعم نحتاج قانون عادل لاصلاح القانون الاداري للدولة
بس لما تعمل قانون تطبقه من العامل الصغير الى رئيس الجمهورية
قانون لايتم استثناء فئات المجتمع المختلفة
عايزين عدالة اجتماعية التي تساوي بين القاضي اللي بيصيف في شرم وبين الموظف اللي مش عارف يوفر احتياجات لأولاده في المدارس
اي قانون يتم استثناء عاملين منه هو قانون باطل لن يقبله المجتمع وبالتالي هو بيقسم العاملين في الدولة الى اسياد وعبيد
بأقول لمحلب ليه سمحت بتعطيل العمل لأمناء الشرطة وكانوا مسلحين وخرجت تقول الناس دي لم تخالف القانون
المذيع : كان عندكم النهارده وقفة احتجاجيه ومافيش حاجه حصلت يعني ماحدش عملكم حاجه
فاطمة: لأ بالعكس كان الأمن هيقبض علينا عند مبنى الضرائب العامة الأمن جـري وراء الناس لغاية قهوة بعد حسين حجازي بشارعين قهوة اسمها مونديال وقفلها الأمن
فيه تعليمات من وزير المالية باضطهاد كل الناشطين في المصلحة
احنا بنطالب قانون عادل يطبق على كل العاملين بالدولة
حتى لو القانون ده برفضنا ليه بكل العيوب اللي هتدبح الموظف ممكن نقبله في حالة واحده بس لو اتطبق من العامل لرئيس الجمهورية
لكن قانون يقسم العاملين احنا ضده
المذيع : يا استاذه فاطمه ماهو كلام رئيس الوزراء النهارده لم يغلق الباب امام المفاوضات
فاطمة : احنا قابلناه وقعد معانا ربع ساعه بس ورفض اي ادخال تعديلات في القانون
انا بأحمل المهندس محلب انه يدخل مصر في منعطف غريب
لمصلحة مين انه يعمل صدام بين العاملين
وبأطالب السيد رئيس الجمهورية أسوة باجتماعاته مع الاعلاميين والقيادات الأمنية اعمل حوار مجتمعي تحت رعاية سيادتك عشان نلحق البلد
المذيع :خليك معاانا استاذه فاطمة معانا الأستاذ عمار الدين حسين عايز يسألك سؤال
عمار الدين حسين : يا استاذه فاطمه حضرتك بتطالبي ان القانون يطبق على العاملين من الغفير حتى رئيس الجمهورية
القانون ده مخاطب العاملين بالجهاز الاداري وليس جميع الفئات
اي عدالة لما يكون القضاء فيه زيادة 30% مرتبات
عمار الدين حسين : الحكومه بتتهمكم انكم بتاخدوا فلوس كثير ه وانكم مش عايزين تشتغلوا
غير صحيح احنا مرتباتنا بين 2250 و4000 درجة اولى
وغير مقبول انهم يتهمونا بالاخوان ولن نسمح لأي تيار سياسي أو منظمات المجتمع المدني ان هو يتاجر بينا
احنا مطلبنا مطلب عمالي وقانون الخدمة المدنية خاص بالمرتبات بتاعتنا
